વિદેશી પ્રવાસીઓને વીમા કવર આપવાની સરકારની યોજના

vyaapaarsamachar.com

નવી દિલ્હી: પ્રવાસન ક્ષેત્રને પાટે લાવવાના પ્રયત્નો હેઠળ ભારત આવનાર વિદેશી પ્રવાસીઓને આકર્ષક દરે કોવિડ-19 વીમા કવર રજૂ કરવા જઈ રહી છે. હકીકતમાં, પ્રવાસન મંત્રાલય, પર્યટન ક્ષેત્રમાં સુધારાની યોજનાઓ હેઠળ આને લોન્ચ કરી શકે છે. વર્ષ 2019માં 1 કરોડથી વધુ વિદેશી પ્રવાસીઓ ભારત આવતા હતા. જો કે, પ્રવાસન ક્ષેત્રમાં માર્ચમાં ત્યારે પ્રતિબંધો આવી ગયા જ્યારે સરકારે લોકડાઉનના ઉપાયો હેઠળ ટૂરિસ્ટ વીઝાને કેન્સલ કર્યા હતા. જો કે, થોડા સમય સુધી આ વીજા પ્રતિબંધો જારી રહે તેવી અપેક્ષા છે. પરંતુ ટૂરિઝમ મંત્રાલય એવા ઉપાયો પર કામ કરી રહ્યું છે જેનાથી વિદેશી પ્રવાસીઓને સુરક્ષાની ખાતરી મળે અને ફરીથી ભારત આવવા માટે પ્રવાસીને ભરોસો મળે.

પર્યટન મંત્રાલયના એડિશનલ ડાયરેક્ટર જનરલ રૂપિંદર બરાડે શનિવારે કહ્યું હતું કે, વિભાગ સિંગાપોર અને અન્ય દેશો દ્વારા શરૂ કરવામાં આવેલી વીમા પોલિસીને ફોલો કરી રહ્યો છે. તેમણે કહ્યું કે કોવિડ -19 વીમા કવચ પૂરૂ પાડવા માટેની વિધિઓ અંગે વીમા કંપનીઓ અને નાણાં મંત્રાલય સાથે ઉદ્યોગ વેબિનારને સંબોધિત કરતી વખતે ચર્ચા ચાલી રહી છે. વેબિનારને સંબોધન કરતાં તેમણે કહ્યું કે કોવિડ -19 વીમા કવચ પૂરા પાડવાની રીતો અંગે વીમા કંપનીઓ અને નાણાં મંત્રાલય સાથે વાટાઘાટો ચાલી રહી છે. આ સિવાય આ પ્રચાર અભિયાનની યોજના પણ બનાવવામાં આવી રહી છે જેમાં દેશમાં પ્રવાસના લોકપ્રિય સ્થળોના ઈન્ફ્રાસ્ટ્રક્ચરની પ્રગતિ અને સુરક્ષા વ્યવસ્થાની વિગતો પણ આપવામાં આવશે.

વીમા કંપનીઓ કોવિડ -19 સંબંધિત હોસ્પિટલમાં દાખલ થવા અને મુસાફરીના અવરોધોને આવરી લેવા માટે વીમા પોલિસી પહેલેથી જ આપી રહી છે. સ્પાઇસ જેટ, અમીરાત, વર્જિન એટલાન્ટિક જેવી ભારતીય અને વૈશ્વિક એરલાઇન્સ પણ મુસાફરોને આકર્ષવા માટે કોવિડ -19 વીમા પોલિસી આપી રહી છે. ઓક્ટોબરમાં ભારત સરકારે બિઝનેસ વિઝા પરનો પ્રતિબંધ હટાવ્યો હતો અને પર્યટન સંસ્થાઓ પણ પ્રવાસી વિઝા માટે છૂટની ભલામણ કરી રહી છે.

ઈન્ડિયન એસોસિએશન ઓફ ટૂર ઓપરેટર્સે સરકારને ઓછામાં ઓછું એવી તારીખ જાહેર કરવાનું કહ્યું છે કે જ્યારે વેકેશનર્સ ભારત મુસાફરી કરી શકે. આવી જાહેરાત વિદેશી ટૂરિસ્ટ ઓપરેટરોને આગામી વર્ષ માટેની માર્કેટિંગ યોજનાઓમાં ભારતનો સમાવેશ કરી શકશે. ફેડરેશન ઓફ એસોસિએશન્સ ઈન ઈન્ડિયન ટુરિઝમ એન્ડ હોસ્પિટાલિટીના સેક્રેટરી જનરલ, સુભાષ ગોયલે જણાવ્યું હતું કે, સરકારને જે દેશના એર પેસેન્જર્સ સાથે ભારત માટે કરાર થયા હોય તેવા દેશોના નાગરિકોને ઇ-વિઝા આપીને શરૂઆત કરવી જોઈએ.

જોકે સરકાર સ્થાનિક મુસાફરીને લઇને જાગ્રત પગલા ભરવાની તરફેણમાં છે અને વર્તમાન ભાર ઘરેલું પર્યટનને પ્રોત્સાહન આપવા પર છે. પર્યટન મંત્રાલય વિમાન કંપનીઓ અને વિમાની મથકો દ્વારા લેવામાં આવતા સુરક્ષા ઉપાયોને પ્રકાશિત કરવા અને વધુ વિશ્વાસ ઉભો કરવા મુસાફરોનો એક વીડિયો બહાર પાડવાની પણ યોજના છે.