ભારત કોરોના અપડેટ્સ: દેશમાં કોરોનાનું સંક્રમણ વધ્યું, એક્ટિવ કેસની સંખ્યા 1,50,055 થઈ

www.vyaapaarsamachar.com

અમદાવાદ : પહેલી ફેબ્રુઆરીથી દેશમાં અનલોક 8.0ની પ્રક્રીયા શરૂ થઈ, મોટાભાગે હવે સંપૂર્ણપણે છૂટ આપવામાં આવી છે પરંતુ હજૂ પણ લોકોને સાવધાન રહેવા માટે સરકાર દ્વારા જાહેર સમારંભો, લગ્ન પ્રસંગોમાં વધુ લોકો એકઠા ન થાય તે માટે નિયંત્રણો લગાવાયા છે. અનલોક 8 માટે સરકાર ગાઈડલાઈન જારી કરી છે. જો કે રાજ્યોએ પોતે અમુક નિયંત્રણો લાદેલા છે અને અનેક રાજ્યો દ્વારા એન્ટિજન સાથે RT PCR ટેસ્ટ ફરજીયાત કરાયા છે અને આ ટેસ્ટની કિંમત ઘટાડવામાં આવી છે. સમગ્ર દેશમાં જીવલેણ કોરોનાનો કહેર યથાવત છે અને આ વચ્ચે બ્રિટનથી નવા કોરોના સ્ટ્રેનના સમાચારો વહેતા થયા છે તે સાથે જ ચિંતાઓ પણ વધી છે. આ નવા વાયરસને ઓળખતા, તેની દવા-સારવાર તથા વેક્સીન શોધાતા કેટલો સમય લાગે તે જોવું રહ્યું.

કોરોના રોગચાળાની વચ્ચે લાદવામાં આવેલું લોકડાઉન વિવિધ તબક્કામાં ખોલવામાં આવ્યું છે. દેશભરમાં કોરોના વાયરસના સંક્રમિતોની સંખ્યા દિવસે ને દિવસે વધતી જાય છે ત્યારે તેની સામે સ્વસ્થ થનારા દર્દીઓની સંખ્યા પણ વધી રહી છે. દેશમાં અનેક દિગ્ગજ રાજકીય અને ફિલ્મ ઈન્ડસ્ટ્રીની હસ્તીઓ કોરોના સંક્રમિત આવતા દેશમાં ભયનો માહોલ પ્રવર્ત્યો છે. કોરોનાથી દેશે અનેક પ્રભાવી હસ્તીઓ ગુમાવી છે. આ વચ્ચે સતત વધી રહેલી પોઝિટીવ કેસની સંખ્યા ચિંતામાં વધારો કરી રહી છે. જો કે, વેક્સીનની વાત કરીએ તો, 2 જાન્યુઆરીથી વેક્સીનેશન કાર્યક્રમ શરૂ થઈ ગયેલ છે, જે અંતર્ગત સૌ પ્રથમ કોરોના ફ્રન્ટ લાઈન વર્કર્સને વેક્સીન આપવામાં આવી. અન્ય વેક્સીન ટ્રાયલ અંતિમ તબક્કામાં હોઈ આશાઓ જાગી છે. પરંતુ હાલ આપણે સૌ ઘરે રહીએ અને સુરક્ષિત રહીએ. આ સ્થિતિમાં આપને ઘરે બેઠા દેશના તમામ ખૂણેથી માહિતી મળી રહે તે માટે વ્યાપાર સમાચાર તત્પર છે અને આપને આપી રહ્યા છીએ પળેપળની ખબર અહિં....

ભારતમાં કોરોનાની સ્થિતિ

સૌથી વધુ પોઝિટિવ કેસ ધરાવતા દેશોમાં ભારત વિશ્વમાં બીજા ક્રમે

દેશમાં ગઈકાલે 14,199 કેસ નોંધાયા,  9,695 દર્દી સાજા થયા, 83 લોકોનાં મોત નીપજ્યા

દેશમાં કોરોનાથી સ્વસ્થ થવાનો દર - 97.22%

કુલ સંક્રમિતોની સંખ્યા -  1,10,05,850

મૃત્યુઆંક -  1,56,385

કુલ સ્વસ્થ થયા -  1,06,99,410

કુલ એક્ટિવ કેસ -  1,50,055

કુલ રસીકરણ - 1,11,16,854

કોરોના વાયરસ અપડેટ્સ

• મહારાષ્ટ્રના મંત્રી છગન ભૂજબળ કોરોના પોઝિટીવ

• ગઈ કાલે વધુ 31,681 લોકોને કોરોનાની રસી અપાઈ

રાજ્યોની સ્થિતિ